اصـــــــحـــاب الجــمـــــــــال لــلأبــــــــــــــــــد


اصـــــــحـــاب الجــمـــــــــال لــلأبــــــــــــــــــد


 
الرئيسيةالبوابةشات المنتدىاليوميةس .و .جبحـثالتسجيلدخول

شاطر | 
 

 الجزء الثانى من ورشة ( اسمعنى شكرا )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ibn Samir
صاحب بدء يشتغل
صاحب بدء يشتغل
avatar

البلد : Egypt
ذكر
الحمل
عدد المساهمات : 28
نقاط : 58
تاريخ التسجيل : 14/10/2009
العمر : 34
العمل/الترفيه : Installing Engineering

مُساهمةموضوع: الجزء الثانى من ورشة ( اسمعنى شكرا )   الخميس 22 أكتوبر 2009, 2:20 pm






السلام عليكم يا جماعة و اهلا
بيكو فى الجزء التانى من ورشة عمل ا سمعنى شكرا فى جزئها التانى .






النهاردة انا جاى و معايا كام
نصيحة كدة صغيرين .






1- ابتسم و انت داخل اى حوار
( نعم مش فاهم يعنى ايه؟ ... ماتخافش ابسطهالك ) ابتسم يعنى بدل ما جبهتك راسمة
111 افردها ... بدل ما انت ضارب بوز عايزك تبين ضبك ... متتكسفش انا مش بقولك
لامؤاخذة اتمايص و لا اضحك عمال على بطال ... استنى استنى عمرك شفت حد قبل كدة و
ممكن تكون حتى ماتعرفهوش و قلت عليه الراجل ده وشه سمح و شكله ابن حلال اهو انا
عايزك تشوف الراجل ده كان وشه سمح ليه و تعمل زيه .






2- لما تكون
رايح تعمل حوار هيكون فيه مصلحة مثلا ( رايح تطلب من بابا فلوس – رايح تطلب من
مديرك سلفة او اجازة طويلة – داخل ع الدكتور او المدرس بتاعك و عايز تناقشه فى
حاجة - .... ) حاول تراجع نفسك انت داخل
ليه و تعمل بروفة لطريقة كلامك معاه و هتسأله او هتطلب منه الحاجة ازاى و ياريت
تبتدى الحوار بجملة يا ترى وقت حضرتك يسمح بــ.......






3- حاول تكون عباراتك واضحة و
متكاملة



هضرب لكم مثال حاصل مع واحد
صاحبى فى الواقع



ابراهيم كان عنده اجماع مهم
الساعة 2 لكن مش فى الفرع اللى هو شغال فيه انما فى الفرع اللي بيبعد عنه حوالى
ربع ساعة اتفق مع السكرتيرة بتاعته انها تفكره بالميعاد ده الساعة 2 الا ربع و
السكرتيرة كتر خيرها لما جت الساعة 2 الا ربع رفعت سماعة التليفون و طلبت ابراهيم
و قالتله على فكرة الساعة 2 الا ربع و قفلت السكة على كدة و عشان هيمة مش مركز و
هى عبارتها ماكنتش متكاملة بص فى الاعة لقاها فعلا 2 الا ربع و مفهمش حاجة و راح
عليه الاجتماع المهم .






4- اوعى تشتكى حد فى العلانية
و الامثلة كتيرة فى الموضوع ده لاننا شعب ماشاء الله يموت فى الشكوى و الفضايح من
الاخر يعن عندك شكوى من حد خده على جنب و عرفه غلطه .






5- اما تطلب حاجة من حد
ماتطلبهاش مباشرة لكن قول السبب اللى هيخليه يقوم يعمل الحاجة دى



مثال ( الجو حار فى المكتب
اللى انت شغال فيه و الكهربا قاطعة و المروحة و التكييق طبعا فى الباى باى و انت
عايز تفتح الشباك اللى ورا زميلك اللى فى المكتى اللى ادامك هتقول ايه بقى هتقول
يا فلان الجو النار و الواحد نفسه فى نسمة هوا ممكن بعد اذنك تفتح الشباك اللى
وراك عشان الواحد غرق فى عرقه ).






6- اوعى تعلم على حد X من
اول مرة تشوفه او اول حوار ما بينكو بمعنى :



مثال 1 : هو الواد ده اتم كدة
ليه و شكله مش طايق حد ايه القلاطة دى



الولد ممكن كويس و الله بس
ممكن يكون منطوى على نفسه او بيتكسف يبتدى حوار من حد جربه الاول بعد كدة اصدر
حكمك



مثال 2 : ايه ده شفتى البت دى يا نهار اسوح دى بتشرب قهوة
تركى دى قديمة اوى و لابسة ايشارب من ايام الستينات



ممكن البنت يبقى تفكيها مودرن
و عقلها نفتوح مش ضرورى تكون بتشرب نسكافيه من on the run عشان تبقى مودرن يا ريت تجربيها الاول






7- اهتم بالتفاصيل الصغيرة فى
تفاصيل حياة اللى ادامك و الحاجات اللى بيحبها زى ( اسماء ابنائه – عيد ميلاده –
هواياته المفضلة - .........).






8- ماتنساش كلمة شكرا او جزاك
الله خيرا و خاصة مع مرؤوسيك و الله يا جماعة ليها مفعول السحر.


الرجوع الى أعلى الصفحة اذهب الى الأسفل
http://groups.yahoo.com/group/To_Be_Professional_Muslim/
algammal
admin
admin
avatar

ذكر
mms
السمك
عدد المساهمات : 2083
نقاط : 2262
تاريخ التسجيل : 08/04/2009
العمر : 52
العمل/الترفيه : عبد لله
المزاج الحمد لله

مُساهمةموضوع: رد: الجزء الثانى من ورشة ( اسمعنى شكرا )   الخميس 22 أكتوبر 2009, 9:01 pm

بارك لله لنا فيك فعلا المفروض اننا نعمل كدة
الرسول الكريم قال لنا تبسمك فى وجة اخيك صدقة
واصل وكلنا اذان صاغيه




عذرا لعدم تواجدى الفترة الماضيه
وان شاء الله سوف نتواصل معا





الرجوع الى أعلى الصفحة اذهب الى الأسفل
http://ashabalgammal4ever.ba7r.org
Bosy Kenzy
المشرفين
المشرفين
avatar

البلد : في قلبه
انثى
الحمل
عدد المساهمات : 1926
نقاط : 2037
تاريخ التسجيل : 11/04/2009
العمر : 33
العمل/الترفيه : طالبه
المزاج عدوانية

مُساهمةموضوع: رد: الجزء الثانى من ورشة ( اسمعنى شكرا )   الخميس 24 ديسمبر 2009, 4:36 pm


بجد كلامك انا بعتبره نصائح
اكتر من تنمية بشرية





ميرسي ليك كيمو[url[ندعوك للتسجيل في المنتدى أو التعريف بنفسك لمعاينة هذا الرابط]]

اضغط تشغيل لسماع الاغنية
الرجوع الى أعلى الصفحة اذهب الى الأسفل
بنوته مصريه
المشرفين
المشرفين


البلد : egypt
انثى
mms
الاسد
عدد المساهمات : 618
نقاط : 684
تاريخ التسجيل : 10/10/2009
العمر : 29
العمل/الترفيه : محبه للحريه
المزاج مبسوطه

مُساهمةموضوع: رد: الجزء الثانى من ورشة ( اسمعنى شكرا )   الخميس 24 ديسمبر 2009, 6:07 pm

اول واحد المفروض يتقاله شكرا هو انت للكلام الجميل اللى بنستفيد منه

انا بتفق معاك فى كل الكلام اللى انت قولته اما بالنسبه اننا المفروض ما

نطلقش حكم على الناس اللى لما نعرفهم انا بتفق معاك فيها خالص

اصل انا لما بتعرف على حد لاول مره بحب انظر للمميزات اكتر من

ولكن ده بيوقعنى فى مشكله لانى لما بعرف عيوبه مع كتر التعامل معاه

بحس انى مش طايقه حتى الكلام معاه او التعامل معاه بعد كده اكيد انى

لما بنظر للميزات واسيب العيوب ده غلط مش كده

وفعلا مشكور على الكلام الجميل ده وانا فى انتظار باقى الورشه




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://ashabalgammal4ever.ba7r.org
 
الجزء الثانى من ورشة ( اسمعنى شكرا )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصـــــــحـــاب الجــمـــــــــال لــلأبــــــــــــــــــد :: الاصحاب للتنميه البشريه والثقافة الفكريه :: التنمياوى-
انتقل الى: