اصـــــــحـــاب الجــمـــــــــال لــلأبــــــــــــــــــد


اصـــــــحـــاب الجــمـــــــــال لــلأبــــــــــــــــــد


 
الرئيسيةالبوابةشات المنتدىاليوميةس .و .جبحـثالتسجيلدخول

شاطر | 
 

 الجزء الثانى من ورشة ( احمد ومنى )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ibn Samir
صاحب بدء يشتغل
صاحب بدء يشتغل
avatar

البلد : Egypt
ذكر
الحمل
عدد المساهمات : 28
نقاط : 58
تاريخ التسجيل : 14/10/2009
العمر : 34
العمل/الترفيه : Installing Engineering

مُساهمةموضوع: الجزء الثانى من ورشة ( احمد ومنى )   الخميس 12 نوفمبر 2009, 8:40 pm

السلام عليكم يا
رجالة و يا بنات المنتدى اتمنى انكم تكونو استمعتو بالجزء الاول من ورشة ( احمد و
منى ) و النهاردة انشاء الله هندخل فى الجد فعايز انشاء الله عايز تعليقات و قصص
كتير منكم ... يالله بينا فى الجزء الثانى.






كنا قلنا المرة
اللى فاتت ان احنا هنتكلم عن 5 اختلافات اساسية ما بين احمد و منى ، خلينا نتكلم
عن اول اختلاف:



1 – عرض
المساعدة:-






احمد دايما عنده
حساسية من عرض المساعدة من منى لأن طبيعة احمد انه دايما عايز يحس اتجاه منى
بالقوة و الكفاءة و الفاعلية و الانجاز بعكس منى اللى بتتمنى دايما من أحمد انه يعرض
عليها المساعدة مش بالضرورة فى شغل البيت انما فى اى حاجة حاسة انها تقيلة عليها و
لأن هى عندها الاحساس ده و بتنبسط منه ففاكرة يا عينى ان احمد كمان بيحب كدة و
العكس صحيح



مثال : احمد و منى
واقفين فى الشارع فى وقت متأخر و مستنيين تاكسي .... احمد سرح ... منى لمحت تاكسي
فاضي ... شاورتله و قالتله هم عايزين يروحو فين ... احمد ركب و لوا بوزه.



التحليل : احمد حس
بان منى هانته فى كرامته ... هو احمد ايه غير كرامة ... لأنها لغت وجوده و عاملت هى سواق التاكسي .






نصائح لأحمد :
اعرض دايما على منى المساعدة فى الكبيرة و الصغيرة حتى لو انت عارف انها ترفض المساعدة دى ... كفاية انك تحسسها
انك دايما بتخاف عليها و حابب تشاركها ... مفيش مانع تاخد جزء ولو صغير من شغل
البيت ... او تجيبلها حد يساعدها ... افتحلها باب التاكسي او العربية و دخلها
الاول ... اسحبلها الكرسي لمل تكون عازمها فى مطعم ولا كافيه ... منى بتحب الحاجات
الصغيرة دى اوى.






نصائح لمنى : اوعى
فى اى حال من الاحوال تعرضى على احمد المساعدة الا لما يطلبها هو الاول ... و حتى
لو طلبها ماتقعديش تبكتيه انما براحة عليه كدة و بالهداوة.









2 – الاحتياجات
العاطفية :-






تعالو نبتدى المرة
دى بمنى عشان مايقولوش عليةعنصري.






منى محتاجة
للعناية و المساعدة ... محتاجة انها تتفهم فعلى احمد انه يسمع من غير مايحكم ...
محتاجة الاحترام لارائها ... محتاجة للتفانى بحيث انها تحس انها الاولى فى حياة
احمد ( حتى لو ده مش صح ) بمعنى لو الشغل اهم حاجة فى خياتك ادامها احمد لازم
يحسسها انها الاولى ... التأييد بمعنى انها لو قالتلك انها حرانة فى عز يناير و الدنيا بتمطر عادى غطيها يا اخى و بلاش تريقة
عليها ... عايزة تحس بالطمأنينة لأن المثل الداير دايما فى دماغها ( يا مأمن
الرجال يا مأمن القرد فى السنغال قصدى يا مأمن المية فى الغربال ) يعنى من الاخر
دايما قولها كلام يحسسها بالطمأنينة زى ربنا يخليكى ليه ... انا ايه مين غيرك ...
انتى اغلى حاجة عندى ... باختصار ناخد بوصية سيدنا النبى ( رفقا بالقوارير ).






احمد بقى محتاج
للثقة ... للتقدير ... للقبول على وضعه بمعنى انك تخديه على عيبه و ماتحاوليش انك
تغيريه لأن نصيحة كدة لوجه الله مافيش حد بيتغير عشان حد لأن مفتاح تغيير الشخصية
من الداخل ... الاعجاب دايما حتى لو
شايفاه قرد عليكى انك تحسسيه انه قمر من باب حسن التبعل ... الموافقة على قراراته
لأنه كدة كدة خد القرار فيعمله يعنى هيعمله فرأيك هيبقى تحصيل حاصل و ماتعترضيش
الا لو حسيتي انه هيغرق المركب ... التشجيع بكلام بقى زى برافو عليك ، انا وراك يا
حبيبي ... باختصار برضه ناخد بوصية النبي ( لا تؤذى امراة زوجها ).






يالله كفاية كدة
عليكو النهاردة و معلش انى بتأخر عليكو انتو عارفين الحاجات دى بتاخد وقت فى
التحضير و شكرا على الردود اللى جاتلى .
الرجوع الى أعلى الصفحة اذهب الى الأسفل
http://groups.yahoo.com/group/To_Be_Professional_Muslim/
بنوته مصريه
المشرفين
المشرفين


البلد : egypt
انثى
mms
الاسد
عدد المساهمات : 618
نقاط : 684
تاريخ التسجيل : 10/10/2009
العمر : 29
العمل/الترفيه : محبه للحريه
المزاج مبسوطه

مُساهمةموضوع: رد: الجزء الثانى من ورشة ( احمد ومنى )   الجمعة 13 نوفمبر 2009, 3:46 pm

انا راى كالاتى هنبدا من الاول عرض المساعده لما الست تعرض على الراجل المساعده ده مش معناه انها هى فاهمه عنه بس هى بتحاول تكون شريكه له فى كل شى حتى المشاكل والمصاعب اللى ممكن تواجهم فى حياته وده بيشعرها باهميتها وانها جزء لا يتجزء من حياته وان حياته وحياتها واحد

اما بانسبه للاحتياجات العاطفيه كل من الرجل والست يحتاجوا ان يشعروا بالحب والطمانينه ولازم يكون ده متبادل وما يكونش ده فى فتره معينه وبعد كده يختفى وانى اشوف عيب فى شريك حياتى وما احاولش اغيره واتعامل معاه وانا غير راضيه عن هذا السلوك انا بعتبره كانى بنافقه لكن احاول اغيره بطريقه غير مباشره مش اقوله الحاجه دى مش عجبانى فيك لازم تتغير لا احاول اغيرها بالتدريجى بس لو فى حب وثقه بين الاثنين اى حد فيه عيب وحاسس ان التانى مش راضى عنه هيحاول يغيره من نفسه




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://ashabalgammal4ever.ba7r.org
Ibn Samir
صاحب بدء يشتغل
صاحب بدء يشتغل
avatar

البلد : Egypt
ذكر
الحمل
عدد المساهمات : 28
نقاط : 58
تاريخ التسجيل : 14/10/2009
العمر : 34
العمل/الترفيه : Installing Engineering

مُساهمةموضوع: رد: الجزء الثانى من ورشة ( احمد ومنى )   السبت 14 نوفمبر 2009, 1:15 pm

شكرا ع الرد اخت بنوتة و كنت احب اعلق على كام حاجة:

اولا : انا عارف ان الست مش قصدها لما بتعرض المساعدة انها تسئ للراجل لكن هو مابيبقاش فاهم
ده ... امال لازمة الورشة ايه يا بنوتة ... انا بعرض الاحساس الداخلى اللى مش فاهمه الطرف الاخر اللى بيعمل سوء تفاهم ... فبهم الراجل ان ده مش انقاص من رجولتك ... و فى نفس الوقت بقول للست انها تحاول انها تخف من المساعدة لان طبيعة الراجل النفسية مابتتقبلش ده.

ثانيا : انا موافقك طبعا ان الشعور بالحب والطمانينه ولازم يكون ده متبادل وما يكونش ده فى فتره معينه وبعد كده يختفى و اظن مافيش فى كلامي اللي ينافى ده.

ثالثا : معنى انى قلت ان الواحد ياخد شريك حياته على عيبه مش معناه انا ماحاولش التغيير ... لأ طبعا يحاول بس تكون عاملة حسابك ان ده لو حصل هيحصل بنسبة قليلة و لوقت محدود و بعد كدة هترجع ريما لعادتها القديمة ... انا مابعقدش الناس و الله يا بنوتة بس انا بقول واقع بيحصل كل يوم و الناس مابتتعلمش .

جزاكى الله خيرا يا بنوتة و يسعدنى دايما ارائك و اقتراحاتك.
الرجوع الى أعلى الصفحة اذهب الى الأسفل
http://groups.yahoo.com/group/To_Be_Professional_Muslim/
algammal
admin
admin
avatar

ذكر
mms
السمك
عدد المساهمات : 2083
نقاط : 2262
تاريخ التسجيل : 08/04/2009
العمر : 52
العمل/الترفيه : عبد لله
المزاج الحمد لله

مُساهمةموضوع: رد: الجزء الثانى من ورشة ( احمد ومنى )   الأحد 15 نوفمبر 2009, 8:41 pm

السلام عليكم ورحمة الله وبركاته
انا بقى رايى ان الراجل لابد ان يتقبل راى زوجته مهما كان وفى النهايه
له حريهة الراى اما ان يعمل برائيها ام لا هذا يعود للرجل نفسة
اماالرجل الذى يأخذ راى زوجته على انه امر او بتجاهل فهذا يريد ان يكون متسلط
ولا يسمع لغيرة فامساعدة الست لزوجها فى الراى مش عيب ولا حرام
ومن الممكن ان يكون رايها هو الصائب
اما بالنسبه للعاطفة ان لم يكون هناك تبادل فى العاطفة بين الطرفين فما معنى الحياه بينهم
روتين زوج وزوجه اعتقد ان هذا الارتباط لايدوم طويلا ان لم يوجد تبادل عاطفى
فالارتباط العاطفى هو اساس الحياه الزوجيه والاسريه
وشكرا لك محمد على الورشه




عذرا لعدم تواجدى الفترة الماضيه
وان شاء الله سوف نتواصل معا





الرجوع الى أعلى الصفحة اذهب الى الأسفل
http://ashabalgammal4ever.ba7r.org
 
الجزء الثانى من ورشة ( احمد ومنى )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصـــــــحـــاب الجــمـــــــــال لــلأبــــــــــــــــــد :: الاصحاب للتنميه البشريه والثقافة الفكريه :: التنمياوى-
انتقل الى: