اصـــــــحـــاب الجــمـــــــــال لــلأبــــــــــــــــــد


اصـــــــحـــاب الجــمـــــــــال لــلأبــــــــــــــــــد


 
الرئيسيةالبوابةشات المنتدىاليوميةس .و .جبحـثالتسجيلدخول

شاطر | 
 

 الجزء الاول من ورشة سيطر على عقاربك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ibn Samir
صاحب بدء يشتغل
صاحب بدء يشتغل
avatar

البلد : Egypt
ذكر
الحمل
عدد المساهمات : 28
نقاط : 58
تاريخ التسجيل : 14/10/2009
العمر : 34
العمل/الترفيه : Installing Engineering

مُساهمةموضوع: الجزء الاول من ورشة سيطر على عقاربك   الأحد 20 ديسمبر 2009, 6:20 pm

السلام عليكم يا شباب ... يامراحب بيكم فى الجزء الاول من ورشة ( سيطر على عقاربك ) و اتمنى تشتفيدومنها لاقصى مدى و هى هتتكلم على كيفية ادارة الوقت.

و انا مش جى اقوللك اصحى الساعة 7 و دخل الحمام من 7 ل7 ور بع و الكلام اللى يحرق الدم ده.

انا جاى اغير وجهة نظركو اصلا عن الوقت ... المهم ان احنا مايطلعش من بقنا كلمة مافيش وقت اعمل الحاجة الفلانية ... او انا مش فاضى للحاجة العلانية ... و ماتخافش مش هقوللك بطل فرجة ع التليفزيون و لا هاقولك بطل تعمل تشات مع اصحابك ... هلاقيلك وقت لكل حاجة انشاء الله.

خلينا الاول نتفق على حاجة مهمة جدا ... ربنا اعطى لكل واحد فينا حاجة زيادة عن التانى ... يعنى اعطى ليوسف فلوس اكتر من عادل ... و خلى عمر اذكى من محمود ... و شعر نبيلة اطول من شعر حنان ... و هكذا ... الحاجة الوحيدة اللى فيها عدل مطلق هى الوقت لأن ببساطة مافيش حد فينا يومه 22 ساعة بس و لا الاسبوع بتاعه 8 ايام ... كلنا يومنا 24 ساعة و اسبوعنا 7 ايام ... الخ.

الحاجة التانية اللى هنتفق عليها اننا لازم نغير مفهوم الوقت فى عقولنا ... لازم الوقت يكون ليه قمة اكبر من اللى احنا مديناله .

حاجة كمان هقولها و لا تعليق ... شوفو اليابان عملت ايه في 60سنة بعد ما اتنسفت فى الحرب العالمية و وصلت لايه و احنا وصلنا لايه ( ملحوظة : اليابان اكبر تانى سوق فى العالم بعد امريكا ).

طيب يعنى ايه البنى ادم يقدر يغير وجهة نظره على حاجة خلاص مستحيل انى اعيد النظر فيها تعالو الاول احكيلكم حكاية و بعديها هتفهموا.

مدام نادية ارملة من فترة كبيرة و ماعندهاش غير ولد واحد اسمه عادل ... متجوز و قاعد فى كندا من 5 سنين ... و كان معودها انه بيجيب مراته و يزورها لمدة شهر فى الصيف ... السنة اللى فاتت عادل لظروف شغله ماقدرش ياخد اجازة و هشان امه متضايقش بعتلها تذاكر سفر لكندا عشان هى اللى تقضى معاه شهر هناك ... المهم مدام نادية لانها منظطة جدا ليلة السفر كانت مجهزة كل حاجة و صحيت من بدري تانى يوم و كانت مخلصة كل اجراءاتها قبل الطيارة ما تطلع بساعة ونص ... و لما لقت الوقت كدة فكرت انها تمارش اتنين من اهم هواياتها القراءة و اكل الاكلير ... ماكدتش خبر ... راحت مطلعة كتاب من شنطتها و اشترت كيس اكلير و قعدت فى مكان هادى نسبيا و ابتدت تقرا ... و كان جنبيها مدموازيل شيك جدا هى كمان بتقرا ... و لسة بتحط ايديها فى كيس الاكلير لقت ايد الانسة اللى جنبها هى كمان طالعة من كيس الاكلي اللى جنبها و بتبصلها و بتضحك ... مدام نادية قالت فى نفسها هى صحيح سخافة بس مش اشكال ماجتش على واحدة ... شوية يتمد ايديها عشان تاخد واحدة تانية لقت نفس الايد يتسحب من كيسها و نفس الوش بيضحكلها فى برود ... و لانهامؤدبة و محترمة مارضتش تكسف البنت بالرغم انها كانت متضايقة جدا ... المهم الموقف ده فضل يتكرر لمدة الساعة لحد ماجه معاد الطيارة ... قامت مدام نادية و هى بتسب فى البنات بتوع اليومين دول و بتلعن الدش و الانترنت اللى خلى البنات بالاخلاق الوحشة دى ... ركبت مدام منى الطيارة و بتفتح شنطتها عشان تطلع منديل ... و كانت المفاجأة ... كيس الاكلير زى ما هو فى شنطتها ... حد فهم حاجة ؟ مدام منى يا حضرات كانت بتاكل من كيس الاكلير بتاع البنت اللى جنبها ... مش العكس اللى كان بيحصل و الرغم من كدة البنت كانت مبسوطة و بتضحك ... ساعتها بس مدام منى قعدت تقول يا جمال البنات و اخلاق البنات ... يا حلاوة الدش اللى خلى البنات بالادب ده ... الانترنات خلى البنات ذوق للدرجة دى .
الشاهد يا جماعة ان ممكن صدمة او موقف تخلينا فى ثانية نغير ارائنا فى اى حاجة حوالينا.

انا مش عايز اطول عليكو لانى يهمنى قو ان انتو تاخدو وقتكو فى التفكير و اادة النظر بس فيه حاجة لازم اقولها اخيرة و بعدين هسيبكو الا و هى
هو احنا عشان نظبط حياتنا محتاجين بس نظبط عقابر ساعتنا ... لأ طبهعا انت محتاج مع الساهة بوصلة ... ايوة بوصلة .
البوصلة دى هى اهدافك و قيمك و مبادئك ... خلينى اضربلكو مثال عن انك مش لازم بس تسبق الزمن انت محتاج كمان تمشي فى طريق انت اخترته.
لما اجى اقولك ان فلان عمل دكتوراه فى سنة واحدة واقل كامن هتردو عليا ... ايه ده ماشاء الله ... ده عبقرى ... يا ريتنا نبقى زيه. لما اجى اقولك بقى ان فلان ده الدكتوراه بتاعته ف طرق حديثة لاعداد الخمور ... هتتمنى برضه تكون زيه؟ ... طبعا لأ و ده لأن بوصلتك غير بوصلته.
مثال تانى . نفترض ان انت مسافر اسكندرية و بعد ساعتين دح فى الطريق لقيت يافطة مكتوب عليها باقى على اسيوط 100 كم ... بتهيألى كدة المسألة اوضح احنا ليه محتاجين البوصلة.
طيب انتا هسيبكو دلوقتى و اتمنى تفكرو فى الكلام ده كويس لأنه هيكون مهم لباقية اجزاء الورشة.



الرجوع الى أعلى الصفحة اذهب الى الأسفل
http://groups.yahoo.com/group/To_Be_Professional_Muslim/
بنوته مصريه
المشرفين
المشرفين


البلد : egypt
انثى
mms
الاسد
عدد المساهمات : 618
نقاط : 684
تاريخ التسجيل : 10/10/2009
العمر : 29
العمل/الترفيه : محبه للحريه
المزاج مبسوطه

مُساهمةموضوع: رد: الجزء الاول من ورشة سيطر على عقاربك   الإثنين 21 ديسمبر 2009, 12:35 am




[center]مشكور على الكلام الجميل ده

وانا صاحبه فكره معينه ان الانسان لو عايز مليون حاجه ممكن يحققها طالما عنده

العزيمه والاراده اما بالنسه للوقت اقل حاجه ممكن الانسان يفكر فيها

على الرغم ان الوقت مهم بس لوالانسان عايز حاجه بيقدر يحققها وينظم وقته

وفعلا انا بستفيد جدا من الورش اللى انتى بتكتبها ومش انا بس انا بحاول انقلها

واناقشها مع اصدقائى لانى بحس باهميتها وانهم اكيد هيستفيدوا زى ما انا بستغيد منها

وانا فى انتظار باقى الورشه
[/center]




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://ashabalgammal4ever.ba7r.org
Ibn Samir
صاحب بدء يشتغل
صاحب بدء يشتغل
avatar

البلد : Egypt
ذكر
الحمل
عدد المساهمات : 28
نقاط : 58
تاريخ التسجيل : 14/10/2009
العمر : 34
العمل/الترفيه : Installing Engineering

مُساهمةموضوع: رد: الجزء الاول من ورشة سيطر على عقاربك   الأربعاء 23 ديسمبر 2009, 8:37 pm

شكرا يا بنوتة ... و انشاء الله هنكمل مع بعض و لو عند اى حد من اصحابك اى استفسار او اى سؤال ... مافيش مانع تديله الميل بتاعى او رقم تليفونى
الرجوع الى أعلى الصفحة اذهب الى الأسفل
http://groups.yahoo.com/group/To_Be_Professional_Muslim/
algammal
admin
admin
avatar

ذكر
mms
السمك
عدد المساهمات : 2083
نقاط : 2262
تاريخ التسجيل : 08/04/2009
العمر : 52
العمل/الترفيه : عبد لله
المزاج الحمد لله

مُساهمةموضوع: رد: الجزء الاول من ورشة سيطر على عقاربك   السبت 26 ديسمبر 2009, 7:35 pm

شكرا محمد هو فعلا الوقت ذو قيمه فى اغلب الاحيآ
ولكن يوجد ايضا اشياء لابد التروى فيها واخذ الوقت الكافى مهما طال
اما المقولة بتاعت انا معنديش وقت فهذة تنطبق على بعض الناس ايضا
مثال انا اذهب الى عملى فى السادسة واعود فى الثالثة عصرا وعلى مااتناول غذائى
وصلنا الى الرابعة وايضا على مااشوف طلبات الاولاد وصلت الخامسه وحان وقت المغرب
لو وراك مشوار فى مكان اخر كيف تذهب له وتعود لبيتك حتى تعيد الكرة ثانى يوم
فامن الصعب جدا انك تلبى كل طلباتك وزيارة اهلك واصحابك وخصوصا لو كانت العائله كبيرة فامن اين لك بالوقت لتلبى كل هذا وياحبذا لو اتذنقت فى مذاكرة للاولاد او جاء مدرس لاولادك كيف تخرج وتتكرة حل بقى المشكله وادينى وقت زيادة ..................
اما بخصوص العزيمه فهذة ارادة كل شخص فى تحقيق ذاته فالابد من التغلب على كل
الصعاب وتحقيق ذاتى ولا ادع نفسى للانهزاميه
وشكرا لك محمد وفعلا احنا بننتظر منك باقى الورش





عذرا لعدم تواجدى الفترة الماضيه
وان شاء الله سوف نتواصل معا





الرجوع الى أعلى الصفحة اذهب الى الأسفل
http://ashabalgammal4ever.ba7r.org
 
الجزء الاول من ورشة سيطر على عقاربك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصـــــــحـــاب الجــمـــــــــال لــلأبــــــــــــــــــد :: الاصحاب للتنميه البشريه والثقافة الفكريه :: التنمياوى-
انتقل الى: